Er þetta gert til að valda erjum?

Þessi grein virðist vera markaðssett fyrir ákveðið markmið.

Forvitnilegt finnst mér að það sé talað um launamun og staðhæfing að þetta sé 18.1%

Þetta hljómar eins og staðhæfing. Að það sé hér 18.1% af hryllilegu óréttlæti. 

neðar í greininni er svo vísað í að þessi tala tekur inn yfirvinnu, og svo enn neðar er talað um að það er ekki gert greinamunur á störfum, menntun og þar eftir götunum.

Þetta er misvísandi og villandi í besta falli.

Mun fleirri iðnaðarmenn eru karlmenn, þetta er menntastétt sem fræg er fyrir mikla yfirvinnu. Flest kvennastörf eru skrifstofutengd/umönnunartengd. Þau eru vaktabundin/yfirvinnulaus.

Það er samfélagsleg hegðun okkar (án þess þó að ég sé að segja að það eigi að vera þannig) að konur fórni gjarnar vinnutíma til að sinna veikum börnum eða að ná í börnin af leikskólanum og þar eftir götunum. 

Á sama tíma er það karlmönnunum eðlislelgra að bæta upp fyrir glataða vinnustund konunnar með því að vinna yfirvinnuna. þannig að þar sem er í eðli sínu jákvæð verkaskipting (geri ráð fyrir að fólkið hafi talað sín á milli um hver gerir hvað, líkt og ég hef gert alla mína sambandstíð) er stillt upp hér sem argasta árás feðraveldisins á konur.

Ég hef skoðað alla kjarasamninga stærstu verkalýðshreyfinganna, þar eru hvergi töflur sem sýna kjarasamning karla í starfi og svo kvenna í starfi. Einungis ein standard tafla er til. Það er tafla fyrir bæði kynin.

Hvað fólk svo gerir eftir að á þann samning er komið er svo einstaklingsbundið. Sumir biðja um launahækkun, og gera slíkt reglulega. Aðrir sleppa því.

Það vill svo til að karlmenn eru mun gjarnari á slíka hegðun en konur. Það eitt og sér gæti orsakað smá frávik í grunntekjur. En er það rangt? Er rangt að vilja hærri laun og biðja um slíkt? Er það skylda atvinnurekanda að ef hann gefur einum launahækkun að hann eigi að gera slíkt hið sama við alla hina?


Hvernig væri nú að koma með sanngjarna könnun en ekki þetta rugl?

Launamunur kynjanna 18,1%

Athugasemdir

[Halldór (IP-tala skráð) 23.4.2013 kl. 12:39]

Þetta var einmitt það sem ég hugsaði þegar ég las þessa frétt, hún er villandi í besta falli út frá fyrirsögninni.

Ég hef einmitt lesið um alvöru könnun á launamun kynjanna þar sem var tekið inn í allt sem þarf að taka þegar á að gera svona samanburð (þ.e. tegund vinnu, reynsla, menntun, starfsaldur, staða og yfirvinna ekki tekin með sem venjulegir tímar), niðurstaðan úr þeirri könnun var einmitt á þann veg að "mismunun" var 0.7% í hag karla, sem er vel innan skekkjumarka.

Eina fréttin hér er hversu léleg vinnubrögð eru í gangi þarna við þessar mælingar.

[Hallgeir Ellýjarson, 23.4.2013 kl. 18:00]

Jafnvel þó launamunurinn sé 5-10% eftir að allt er talið þá er ekki hægt að fullyrða að það sé vegna mismununar.

Nú er vitað að konur biðja margfalt sjaldnar um launahækkun en karlmenn en samt er fingrinum alltaf bent á vinnuveitandan.

Sorry en ég er ekki að kaupa það að launum kvenna sé viljandi haldið niðri af einhverjum karlrembum.

Athugið að jafnrétti þýðir að kynin hafi sömu réttindi. Jafnrétti þýðir ekki að það verði að vera sömu hlutföll á öllum hópum samfélagsins. Tölur eru bara tölur og segja ekki til um hvað liggur á bak við þær.

[Eyjólfur (IP-tala skráð) 23.4.2013 kl. 18:23]

Rétt, Hallgeir (með 5-10%). Það sem stendur þegar búið er að stjórna fyrir breytum sem hafa áhrif er óútskýrður launamunur; mögulega er hann kynbundinn að einhverju eða öllu leyti, en svo þarf ekki að vera. Nákvæmasta svarið er enn sem komið er að við vitum það ekki.

 Þessi munur er einhver 5-7% í Bandaríkjunum og á svipuðu reiki annars staðar þar sem ég hef skoðað rannsóknirnar. Það næði varla 95% vikmörkum að eiga við slíkt í mun harðari vísindum en eru hér á ferð, hvað þá á sviði þar sem pólitísk hugmyndafræði er gjörn á að stökkva í allar eyður.

 MBL mega þó eiga það að þeir setja þetta í samhengi með síðustu efnisgreinum fréttarinnar. Sama verður ekki sagt um alla sem fjalla um brúttólaunamun kynjanna.